هاي ايجي فيلم مفيش اخبار عن النجم الجااااااااااااااااااااامد جدا تيم حسن و ياريت يكون ضمن قائمة راسل النجوم في اقرب وقت و شكرا

هاي أزيك؟؟ لو قريت الرسالة اللي قبلك بشوية هتلاقي الرد على سؤالك.. وإن شاء الله علشام اهتمامكوا ده بتيم هنحاول نعمل معاه حوار في أقرب وقت إن شاء الله.. وشكرا ليك

هاى ازيكم
لو سمحتوا انا عايزة اسال سؤال(هى نيللى مسلمة ولا مسيحية)و شكرا و انا من اشد معجبى الموقع

هاي مها.. إزيك؟؟ احنا مش شايفين ان إجابة السؤال ده تفرق كتير.. المهم في الفنان إبداعه وفنه مش ديانته.. وكلنا في الآخر أخوات مسلميين ومسيحيين.. بس برضه هنرد عليكي.. طبعا انتي تقصدي نيللي مش نيللي كريم.. نيللي مسيحية.. ميرسي على رسالتك وتابعينا دايما

هاى الف مبروك للمخرج خالد يوسف على فيلمه الجديد(دكان شحاتة) وبجد الفيلم رائع لأن المخرج عظيم طبعا و كالعادة لكل فيلم لخالد يوسف يحتوى على مضمون قضية رائع و اداء تمثيلى فوق الممتاز .بجد لازم نكون فاخورين ان احنا عندنا فى مصر مخرج مثل الاستاذ خالد

هاي آية.. احنا بنضم صوتنا لصوتك وبنبارك لصناع الفيلم.. ويارب دايما من نجاح لنجاح

مساء الخير على الموقع المتميز جدا ...... كنت حابب اقول انو فيلم دكان شحاتة دة فيلم جامد جدا جدا جدا جدا جدا و دي حاجة متوقعة فعلا من مخرج متميز و فاهم شغلو زي خالد يوسف و بصراحة كل نجوم الفيلم سواء عمرو سعد او محمود حميدة او غادة عبد الرازق او عمرو عبد الجليل حتى هيفاء وهبي مع انها سنة اولى سينما بس مكنتش متوقع ان دورها هايكون بالجدية دي حتى اغاني الفيلم و الموسيقى التصويرية بيعبرو عن موضوع الفيلم بطريقة مؤثرة جدا و دة كلو طبعا بفضل قائد العمل خالد يوسف لأنو قدم في الفيلم دة واقع لحياة مريرة و دة اكيد مشلمجرد ان الناس تشوفو بس انما بيدق فيه اجراس الخطر لحاجات كتير جدا بتحصل فعلا كل يوم و نتمنى ان رسالتو توصل .... و ميرسي جدا

هاي إزيك؟؟ ميرسي على كلامك الجميل.. وميرسي على مشاركتنا برأيك.. ومستنيين رسائلك دايما

ارجو منكم ان اخذ نمره الستاذ احمد السقا وأهنئه على الفيلم الجديد واريد ان اعرف الفيلم نازل امتى؟ ويارب تردو عليا

هاي محمد.. معلش بنعتذرلك بس أرقام تليفونات النجوم مانقدرش نديها لحد علشان دي حاجات شخصية.. فيلم أحمد نزل من فترة واضح اننا اتأخرنا في الرد عليك.. معلش.. سلام

هاااااي ايجي فيلم بجد بجد عايزه اهني محمد كريم علي فيلم دكان شحاته مع اني لسه مدخلتش الفيلم عشان الامتحانات بس هو باين ان الفيلم جامد من الاعلانات بجد عايزه اقوله يارب بالنجاح دايما وعايزه اقوله كمااان بحبـــــــبك اووووي وياريت يا ايجي فيلم توصله الرساله دي لمحمد شخصيا واكيد هدخل الفيلم مره واتنين بس بعد الامتحانات .....

إن شاء الله يا أميرة الرسالة توصل لمحمد كريم.. وهو فعلا بيتقدم من عمل لعمل.. ولما تقدري تدخلي الفيلم ياريت تبعتلنا رأيك علشان ننزله.. سلام

انا احب الفنان نورالشريف واح امثل معه فى الجزء الثالث من مسلسل الدالى انا موهوبة كبيرة اوى واحب من الفنانين الشباب( كريم عبد العزيز_ وتامر حسنى_احمد حلمى_اشرف عبد الباقى_ احمد السقا_شريف منير_ مصطفى شعبان)ومن الفنانات (مى عز الدين_منى ذكى_بسمة_نلى كريم_نرمين الفقى) شكرا

هاي وردشان.. طيب ما تحاولي توصلي موهبتك لمنتجين أو تقدمي في الكاستينج اللي بيتعمل لكل فيلم ومسلسل.. وربنا يوفقك

انانفسى اعرف اخر اعمال الفنان احمدحلمى ياريت تقلولى قبل ماانفجر وانا نفسى اقابلةجدا

هاي هايدي... أحمد حلمي هيعرض ليه خلال أيام فيلم 1000 مبروك.. وان شاء الله يكون جامد زي ما اتعودنا من أحمد حلمي دايما

انا بحب تيم حسن جدا و ياريت تجيبوا احدث اخباره و الف مبروك على نجاح فيلم ميكانو و ربنا يوفقك كمان و كمان يا اجمل تيمو

هاي أروى.. تيم حسن بيحضر لفيلم جديد مع الشركة العربية بس لسه مفيش تفاصيل عنه.. وبيصور حاليا مسلسل سوري.. هنحاول نعرف أخبرا تانية عنه وأكيد هتلاقيها قريب في إيجي غيلم إن شاء الله

ana kont 3ayza a3raf heya mai ezz el din etkhatabet le mohamed zeidan wala la2

هاي ميرا... فعلا مي عز الدين اتخطبت لمحمد زيدان لاعب المنتخب الوطني من حوالي شهر.. واحنا بنباركلهم وربنا يتمم بخير.

لو سمحتو تبلغوا هيفاء اننا مش عاوزين فوازيرها فى رمضان

هاي هديل.. ده رأيك واحنا نشرناه لأن ده حقك علينا.. بس رأينا احنا إيه؟؟ هنحتفظ بيه لنفسنا :o)

هاى انا زعلان منكم جدا انا طلبت منكم اخبار فيلم محمد سعد امته ومع مين فى كاست الفيلم ياريت تقوليلى ضرورى

هاي أحمد.. اوعى تزعل مننا مانقدرش على زعلك.. بس احنا ردينا عليك... راجع الردود اللي فاتت هتلاقي اننا قولنالك ان محمد سعد لسه ما استقرش على سيناريو ولا فريق عمل علشان يبدأ التصوير.. وأول لما يقرر هتلاقي خبر لييه على طول..

SALAM 3ALIKOM YA RIT YA GAME3A NETKALEM MOBACHARATAN M3A MOMATHELETNA EL GAMILA NADYA EL GONDI AW NAGMENA EL WASSIM KHALED ZAKI ET MERCI EGY FILM

هاي ازيك؟؟ وازاي تونس؟؟ سلامنا لكل أهلها.. احنا كل فترة بيشرفنا نجم على الدردشة.. هنحاول نشوف ميعاد مع النجمين اللي انتي بتحبيهم بس لو هما عندهم وقت يسمح.. وميرسي ليكي

هاى كنت اريد انارسل المخرج طارق العريان رساله ممكن دونى الميل بتاعو

هاي أمنية.. الحقيقة إيميل طارق العريان مش معانا دلوقتي.. هنحاول نوصله ونبعتهولك

السلام عليكم يا ايجي بجد وحشتوني أوي أوي المهم أنا مش حطول عليكو أنا عايز أقول لأحمد مكي كل سنة وهو طيب وصحه كويسه وعقبال مئة سنة يارب وربنا يوفقو فكل أعمالو وعايز أقلو كمان أن أنت شرفتنا وشرفت الجزااااااااااااااااااااااااااائر وياريت ياايجس ياحببتي توصليلو الرسالة دي سلام عليكم.

هاي عصام.. إزيك وإزاي هل الجزائر كلهم؟؟ سلامنا لكل أخواتنا هناك... أحمد مكي هنوصله سلامك إن شاء الله لما نقابله بعد كام يوم بمناسبة بداية عرض فيلمه الجديد.. ربنا يسهل ويكون فيلم جميل ويحقق إيرادات كبيرة إن شاء الله

ازييييييييييييييييييييييييك يابوحميد عامل ايه اعذرنى على التأخيرافلام الصيف بدأت ابئا وافينا با اخبار الايرادات واخبار الافلام

هاي ايتو.. معلش أنا مش محمد بس أي حاجة عايز تعرفها ابعتلنا وهنقولك عليها على طول.. سلام

انا بحب تامر قوىىىىىىىىىى ومى عز الدين كمان بس انا بحب اسم سلمى قوىى علشان كده سميت اسم بنتى عل اسمها ويارب الفلم يكسر الدنياعمر وسلمى

بنتك؟؟؟ ماشاء الله انت بابا صغير كده؟؟ ربنا يخليلك سلمى وسلم لنا عليها..

الى الجميله ليلى علوى اشكر مجلة الكواكب ع الفرصه الدهبيه لتوصيل كلام حقيقي وصادق من قلب انسانه وفنانه كبيره اني حابه اعطي راي بكلامك ياقمرهل للفن عمر افتراضي ؟اكيد لا لان الفن ليس له عمرمحدد ورساله محدده المرحله العمريه لها اهميه كبيره فى الحياة فيها وجود الاب والام والجد والجده والتقدم العمري فى الادوار الفنيـه رساله حقيقه ليش فيها اي تشويش لفكر الانسان. بحبك ياليلى علوى وانتي انسانه جميلة الروح والقلب مايهمك اي كلام جمهورك يحبك ومستني كل جديد ومعاكي لاخر المشوار ياعمري اسمحيلي ممكن اتواصل معاكي يالولا واكون حد قريب منك؟*_^
وبجد فى ناس كل شغلها الفنان او الفنانه دي كبار خلاص الفنان ده انتهى بلعكس للفنان ده اهميه كبير ولازم علينا تقدير المشوار الفني للفنان وبجد بحبكم واشكركم ع كل الرسائل الحقيقه والتعب والمجهود الجبار وبي التوفيق والحب لكل النجوم الحقيقيه

يارب رسالتك توصل لليلى .. وأكيد هتكون سعيدة بحبك واعجابك بيها..

انابعشق ايجى فيلم و ملاك الشاشه منى زكى نجمة الجيل وعايزه اعرف اخر اخبارها وموعد عرض فيلم احكى يا شهرزاد وهل استأنتفت تصوير فيلم اولاد العم ومشروعها الفنى الجاى هل صحيح زى ما قرينا اسوار القمر ولافيلم حماقى وكفايه كده دلوقت

هاي إزيك؟؟ ميرسي ليكي يا قمر.. فيلم احكي يا شهرذاد بيتعرض في السينمات حاليا.. أما عن فيلم أولاد العم فخلاص مشاكله خلصت ورجعوا يصوروه تاني.. وفي ريبورتاج عن المؤتمر الصحفي للفيلم هتلاقيه في الصفحة الأولى على إيجي فيلم.. وبعد ما تخلص الفيلم غالبا هتبدأ تصوير فيلمها أسوار القمر

اسرة ايجي فيلم عندي خبر حصري ابتداء النجم المصري الكوميدي محمد نجم مسلسل زيزو900
مع شرين ووحيد سيف واحمد راتب وشعبان عبدالرحيم ارجو منكم اخبارنا في اخر الاخبار

لأنه صديقي في مصر اخبرني وهو قريب محمد نجم ارجوكم

نريد اخر الاخبار لهذا العمل

هاي سعود.. الحقيقة احنا معندناش فكرة عن صحة الخبر ده.. بس نوعدك نسأل عنه ولو صحيح هنعمل حوار مع أبطال المسلسل في صفحة أخبار التلفزيون.. وشكرا على اهتمامك

هاي كيفكم انا اشتقتلكم كتير ممكن اعرف ان كان خالد ابو النجا متزوج صحيح لانو في رهان بيني وبين اختي لانوهي قالت انو متزوج وانا قلت لها لا قلقيت انو الحل الوحيد انو اسئلك انت والجواب عندك .

هاي كيفك انتي.. احنا اشتقنالك أكثر.. الحقيقة انتي كسبتي الرهان لأن خالد ابو النجا مش متزوج.. بس الرهان كان على إيه؟؟

الى المخرج خالد يوسف الف مبروك على دكان شحاتة و كالعادة فيلم دكان شحاتة يجمع بين القضية الهادفة و الابداع الفنى و هذا هو الذى يختاره المخرج المبدع زى حضرتك

شكرا يا آية على رسالتك وعلى مشاركتنا برأيك

بعد السلام انا احمد \من ضاع عمره فى الاوهام\او بمعنى تانى \راسب فى اختبار الحياه\ انا طلبت منك يا محمد عادل رقم تليفون احمد السقا وانت بتقول ما ينفعش نديك رقم تليفونه علشان ده اسرار جمهور وقلت كمان انك وصلت له رقم تليفونى بس هو ما ردش او ماتصلش بيا لكن انا عايز اطلب منك طلب تانى تليفونك انت او انت تكلمنى

هاي يا أحمد.. الحقيقة محمد عادل مابقاش عضو في إدارة إيجي فيلم.. وموضوعك ده احنا للأسف مش متابعينه من الأول.. بس محمد كان عنده حق احنا مانقدرش ندي أرقام الفنانين لحد..معلش اعذرنا

ارجو ان اكون صديقة للموقع و انضم اليكم

أهلا بيكي صديقة عزيزة علينا يا نونة.. ومستنيين رسائلك دايما

ana yoyo elly ba3atelkom message twasalouha ltamer bs elrad mawasalish please rodoh 3laya bsor3a w please 2ouloh ltame en ana bamoooooooooooot fih w my birthday 16/8 m3ah w nefsi akalemoh aw amasel m3ak w nefsi yktashefni

هاي يويو.. إن شاء الله تامر يقرأ رسالتك.. وكل سنة وأنتي طيبة مقدما..

يا ريت تبلغوا الفنان العظيم تيم حسن تحياتى و تقوله ان فيلم ميكانو كان ررراااااااااائع و يلمس القلب بشكل رهيب و تقوله انه بعد ميكانو الملك تيم حسن اكد على انه حبيب المصريين و يا ريت تسأله اخبار الفيلم الجديد ايه احنا مستنيين فيلمه الجديد فى مصر على احر من الجمر و يا ريت تعملوا معاه لقاء قريبا

حاضر يا نهى.. هنحاول نعمل لقاء أو حوار مطول مع تيم حسن تعرفي منه كل أخباره

احب اشكركم على مجهود كل فريق العمل للموقع المتميز ...اناعارفة انكم بتهتموا بالنجوم المصريين والعرب كمان اللي ليهم اعمال في مصر وعارفة الجهود اللي بتبذلوها سواء في معرفة الاخبار اوالر د علي أسألة الجمهور اللي ملوش حصر _ماشاء الله_بس كنت عايزة اعرف اخبار النجوم السوريين ونفسي تخرج اعمالهم لمصر والقنوات الأرضية وعلي فكرة فعلا شغلهم جميل جدا وممتاز وكنت عايزة اعرف اخر اخبار ممثل كثير المواهب اسمه_قصي خولي_علي فكره هو موهوب قوي ومشهور كمان وانا سعيدة علي شان اتعرض بالفعل مسلسلات زي جميل وهناء وباب الحارة وياريت اكثر اسفة جدا علي التطويل وشكرا علي الاهتمام

هاي آلاء.. ميرسي على رسالتك الجميلة.. انتي عارفة ان الدراما المصرية الحمد لهه انتاجها كتير ويمكن ده السبب في أن الأعمال السورية مش بتعرض على القنوات الأرضية علشان في اكتفاء ذاتي.. انما طبعا كل الناس بتشوفها على الفضائيات.. أما عن الممثل اللي عايزة تعرفي معلومات عنه فللأسف حاليا مفيش أخبار متوفرة عنه دلوقتي.. هنحاول نسأل ونجاوب عليكي.. سلام

انا بحب هاني سلامه اوي وياتري فلمه الجديد نازل امته

فيلم السفاح هيعرض ابتداءا من بكرة إن شاء الله.. ياريت تشوفه وتقولنا رأيك

وحشتوني جدا بقالي فترة كبيرة متواصلتش معاكم ...احب في الاول اشكر الموقع الذهبي *ايجي فيلم* اللي عمرة ماهيصدأ انشاء الله ,ولوسمحتم اطلب طلب ياريت الاقي رد ليه اناسمعت ان د\ محمد عبد الهادي استاذ المهن التمثيلية ليه مكان لتعليم وتدريس وتأهيل اصحاب المواهب اسمه علي ما اظن (مشروع استديو الممثل) فلوسمحتم عايزة حد يوصلني ليه أوعايزة عنوانه أو حد يوصلي الرد علي الايميل الخاص بي من فضلكم , ولكم مني جزيل الشكر.

هاي آلاء.. ميرسي على كلامك الجميل... فعلا د أحمد عبد الهادي عنده ستوديو تدريب ممثل.. إن شاء الله هنجبلك الرقم والعنوان ونبعته على إيميلك.. سلام

hi.please momkn twasalouh ltamer hosny elmessage di ana ba7ebak awyyy ya tamer w nefsy 2shoufk w 2akalemak 2aw 2amasel m3ak

الرسالة وصلت أهي... أي خدمة

انا زعلانة جدا اني بعت كذه مره و انت مش بترد عليا نفسي اعرف اخبار فيلم الوتر لمصطفي شعبان و غاده عادل
و نفسي تبعت لهم سلام خاص مني

هاي نسمة.. احنا منقدرش على زعلك أبدا.. ومعلش بنعتذر عن التأخير لظروف خارجة عن إرادتنا.. فيلم الوتر لسه مانتهاش تصويره بس قرب يخلص.. وان شاء الله هنبلغهم سلامك

السلام عليكم !
من فضلك انا حابة اعرف جديد الفنان المبدع محمد سعد وياريت تبلغه تحياتي وحبي

وهليكم السلام.. النهاردة الأسئلة كتير عن الفنان محمد سعد.. واضح أنه وحش كل الناس.. هو لسه بيستقر على سيناريو علشان يبدأ تصويره.. ادعيله يلاقي سيناريو جميل يفاجئنا بيه

سلام عليكم عيزك تبلع سلامي وشكر الى الاستادة والنجم يسرا
تقولها اني مكان مسلسللك محفوض عنديا حنتبع انشاءلله موضوع يكون حلو
اشاء بعد المسلسل تتكرم عندين في المغرب في ناس بتحب فنك
كلام دا( خاص جدا) لليك هههههه
شكرا

وعليكم السلام يا أمين.. إن شاء الله كلامك نوصله ليسرا وأكيد هتكون مبسوطة بيه جدااااااا.. وسلامنا لكل أهل المغرب

هااى انا بحب الموقع ده جدا
ممكن اعرف اخر اخبار الفنان محمد سعد وفلمه الجديد هينزل امته ومين الابطال معا فى الفيلم

هاي هيما.. ميرسي على كلامك الجميل.. محمد سعد ماصورش أفلام جديدة.. أول ما يصور هنقولك أخبار الفيلم إيه

MERCI YA GAME3A 3ALA EL ESTITHAFA ANA BA2ALI MODA BAB3THLOKOM W MAFICH RAD MERCI AWI BRAVO

هاي أسماء.. احنا بنرد على كل الرسائل اللي بتوصل.. أكيد كان في حاجة غلط في الرسائل اللي فاتت.. وعموما احنا بنعتذر ماتزعليش مننا

السلام عليكم انا عضو فى المنتدى والحقيق مش لقى منتدى ملتقى محبى الفنان محمد رجب لية مش موجود
برغم ان فى فنانين اقل منو نجومية وليهم ملتقى لمحبيهم
ثانين لية مفيش صور لكريم عبد العزيز فى البوم الصور وشكراااااااااااا

وعليكم السلام يا كيمو.. معلش منتدى محمد رجب فيه مشاكل تقنية.. أما صور كريم عبد العزيز فهنبلغ المسئولين عن ألبوم الصور في الإدارة وإن شاء الله هتلاقي الصور قريب جدا.. شكرا ليك

هاي ازايكم بس انا زعلانة منكم عشان انا طلبت ممنكم مرتين البريد الالكتروني لمني زكي ولا حد عبرني حتي رسايلي ما طهرتش و شكرا

هاي عزيزة.. احنا مانقدرش على زعلك.. ايميل منى زكي monazaki@egyfilm.com .. وأدي رسالتك ظهرت بس انتي تابعينا

هااى انا بحب محمد سعد جدا ممكن اعرف اخر افلامه هتنزل امته ومين الابطال معا وشكرا ليكم جدا

هاي أحمد... للأسف محمد سعد ماصورش أي فيلم بعد فيلمه الأخير بوشكاش ولسه ماستقرش على سيناريو يبدأ في تصويره الفترة اللي جاية.. بس انت تابعنا واول ما يكون في آخبار عن فيلمه الجديد أكيد هتلاقي خبر على إيجي فيلم.. سلام

هاي ازيكم بجد وحشتوني ووحشتني مصر كتير انا بحب التمثيل جدا بحب ادوار السقا ونور مني احمد سعيد عبد الغني داليا البحيري احمد عز احمد هارون مي عز الدين وعيزة اعرف في عمل قريب ليهم في الصيف علشين اتفرج علي اعملهما وبمسي علي المصرين كلهم

هاي أزيك يا لينا.. عاملة إيه؟؟ انتي كمان وحشانا.. ومصر هتنور لما تيجي إن شاء الله.. السقا بيعرض ليه حاليا فيلم إبراهيم الأبيض.. أما نور مش بيعرض ليها حاجة علشان كانت في أجازة جواز ولسه ما بدأتش تصوير.. منى زكي بيعرض ليها فيلم احكي يا شهرزاد.. وأحمد عز بيعرض دلوقتي أحدث أفلامه بدل فاقد.. أما مي عز الدين فممكن تشوفيها في فيلم عمر وسلمى 2.. وأي خدمة

3ayza as2ala houwa sahih fi goz2 teni lifilm gomar wisalam wala laa.law mafich iz3ag 3ayza igeba.merci.

هاي سعاد.. طبعا في جزء ثاني لعمر وسلمى وبيعرض في السينمات من أول شهر 6 بالفعل.. ميرسي على رسالتك

هااي ايجي
انا سمعت انهارضه خير اللهم يجعله خير ان محمد زيدان ايخطب مي عز الدين فانا قولت اسال مين اسال مين ملقتش غير موقع ايجي فيلم هو اللي اسالوه عشان انا عارفه انه موقع عمره ما يقول اخبار كازبه بليز محتاجه الرد ضرووووووووري

هاي نورا.. معلش اتأخرنا في الرد.. فعلا محمد زيدان خطب مي عز الدين.. الخبر صحيح 100 في 100 .. عقبالك

هاااااااي ازيكم يا اجمد موقع فالدنيا
ممكن اعرف ايه الافلام اللي نازله فالصيف ومواعيد نزولها بالظبط لاني زعلت قوي انو فيلم عمر وسلمى حينزل فشهر 5 واحنا عندنا فالسعوديه الاجازه بتبتدي فاخر 6 يعني ياترى هلحق الافلام ولا حتروح علينا؟
امتى تجاوبني
وشكراااااااااااااااا

هاي براءة.. ميرسي ليكي يا قمر.. معلش ردينا على الرسالة متأخر شوية.. فيلم عمر وسلمى مستمر لآخر الصيف إن شاء الله واحتمال للعيد.. والأفلام اللي هتعرض في الصيف ونزلت خلاص بدل فاقد.. ابراهيم الأبيض.. الفرح.. دكان شحاتة.. احكي يا شهرزاد.. عمر وسلمى.. المشتبه.. بوبوس.. ومن المفترض خلال أيام يعرض فيلم 1000 مبروك للفنان أحمد حلمي.. وعايزين نقولك هتنوري مصر

انا اريد ان اعرف الرساله الرسلت بتصل و يقراها الممثل انا عاوز اقول للاحمدالسقا انا بحبك شديد و الله اعلم انى بحبك كيف انا صورك كلها عندى اريد ان امثل معاك

هاي امنية.. الفنانين عارفين إيميلاتهم والباسورد وان شاء الله يكونوا بيقروها أكيد.. وهنوصل كلامك لأحمد السقا ويمكن في يوم من الأيام تتحقق أمنيتك يا أمنية.. وساعتها نعمل معاكي حوار نفكرك بالرسالة دي :o)

يا ترى فكرنى ولا لا انا مرة جيتلكم الشركة(بنك بيريوس) (وسلمولى على هبة) المهم ممكن تضيفوا على السايت ابراج الفنانين واعياد ميلادهم

هاي سامح.. مع ان ده هيعتبر إعلان بس هنعديها :o) الله يسلمك سلامك هيوصل إن شاء الله.. هأبلغ اقتراحك للإدارة وان شاء الله ننفذه قريب.. شكرا لاهتمامك وابقى تعالى زورنا تاني

اولا انا طبعا شاهدت الحوار الجميل والصور الخاصة باحتفال الادهم والنقاش الزى دار حول بدل فاقد ايضا كما انى شاهدت اعلان بدل فاقد وسبق انى مدحت فية من خلال مشاركتى كلة تمام وجميل بس واللة ليا تعليق بجد لو حسيت ان تعليقى ليس من حقى بليز موش ترد علية وانا حفهم انة موش من حقى انا بس عايزة اقول لية بنستعيين بمطربة اردنية فى الادهم ونحن لدينا الكثير من الفنانات الذى لهم سبق ممتاز فى التمثيل انا من وجهة نظرى شايفة ان دةموش منطقى واعلم تمام الثقة ان القارىء يفهم ماذا اعنى من وراء السطور واتمنى التوفيق للاستاذ احمد عز فى جميع اعمالة وشكرا

هاي سلمى.. طبعا ده رأيك ووجهة نظرك.. بس حسب معلوماتنا ان سيرين هتقوم بدور شابة عربية مش مصرية هتقابل الأدهم في أوروبا.. يعني الدور مناسب ليها.. وكمان في ممثلات كثير في مصر مش مصريات وده طول تاريخ السينما المصرية لأن مصر زي مابيقولوا هوليوود الشرق :o) كناعايزين نصصحلك معلومة كمان.. سيرين عبد النور ممثلة ومطربة لبنانية وليست أردنية..

هاي ايجي فيلم .. ازيكم ؟ .. اول حاقة انا زعلانة منكم اوي لان انا طلبت منكم موقع للفيلم دكتور سيليكون و قلتولي حتعملوا موقع للفيلم دكتور سيليكون بعد ما يتعرض في السينما و انتوا وعدتوني و تاني حاجة ليه ما فيش اعلان فيلم دكتور سيليكون ؟ .. بالنسبة للشات فين؟ ياريت تعملوا شات و بتمنى الفنانة نرمين الفقي تكون موجودة على الشات بتمنى من كل قلبي عشان اكلم احلى و افضل فنانة عندي .. قول للفنانة نرمين الفقي اني متابعاها على طول و اكيد عشان انا من جمهور الفنانة نرمين الفقي اكيد اني اتفوق و قولها تسمحيلي اقولك نونو او نونة ؟ اصلي بحسك زيي اختي ولكن انتي اكيد فنانة و ممثلة و انا من جمهورك يا الغالية و قولها سلامتك و ارتاحي لك شوية بصراحة بخاف عليكي اوي اوي تتعبي اكتر و اكتر و قولها حبيبة قلبي و اكيد كل حاجة يهون عشانك و اهم حاقة نتابعك و نشوفك بس انتي مرهقة و انا خايفة عليكي و ما تتعبيش و قولها طيب حاضر اكيد حنستناكي على ايجي فيلم قريبا و محدش عارف يمكن في مفاجأة و لا حاجة نشوف ان شاء الله تكوني معانا على طول يا قمر و انتي على طول امورة و عسل

هاي إزيك انتي؟؟ زعلانة مننا ليه؟؟ احنا آسفين بس الفيلم اترفع من السينمات بسرعة قبل ما نلحق ننزل الموقع.. وان شاء الله نحاول نخللي نرمين تيجي على الشات قريب جدا.. وتقوليلها كلللل اللي انتي عايزاه

انا زعلانة اوى اوى لانى حاولت تانى كتير وبرده مافيش فايده ممكن تشوف اى حل للموضوع ده لانى بجد هعيط.

معلش ممكن نفهم حاولتي في إيه ؟؟ علشان نحل مشكلتك من غير عياط .. مانقدرش على زعلك

الجميـله ليلــى علــوى ياروحي وقلبي عيد ميلادي تاريخ8-5_2009 يالولا حاولي تتواجدي معنافى المنتدى والله بيكون اسعد يوم بحياتي وانتي تقوليلى كل سنه وانتي طيبه *_^
بحبك يالولا وربنايحميك ويحفظك و يوفقك فى اعمالك الجديده وكلنا معاك ياقمروووووره

معلش يا عدوله ليلى علوي مشغولة جدا في تصوير مسلسلها الجديد هاله والمستخبي.. بس عموما كل سنة وأنتي طيبة وبألف خير وبسعادة.. وان شاء الله نوصل لليلى علوي سلامك

اشكركم على موقع الفنان طلعت زكريا ياريت تضيفوا موقع للفنان محمد شرف من حقه يعرف مدى حب الناس له

والله يا منا عندك حق.. هنحاول نوصل لمحمد شرف وان شاء الله تكون حالته الصحية كويسة وتسمح باننا نعمل معاه حوار.. شكرا على اقتراحك واهتمامك

محمد يا عادل يا قمررررررررررررر اخبارك ايةيا سكر
انا مبسووووووطة جدا علشان لسة شايفة اعلان فيلم بدل فاقد واللى يخلع القلب من مكانة يا نهار ابيض عليك يا استاذ احمد عز واللة العظيم ربنا يبارك فيك الفيلم شكلة جنان حموت واشوفة ولو ان المشاهد بتيجى بسرعة وخطف ولكن علشان انا متابعة اخبار الفيلم استطعت ان احدد بعض المشاهد الاعلان عامل زى الاعلانات الاجنبية بتاعة افلام الرعب واحمد وهو بيفحت فى الارض اموت واعرف بيدفن مين؟؟؟متقمص الدور بطريقة رهيبةمن نجاح لنجاح ان شاء اللة ومعلش بقى انا عارفة انى زهاتك يا محمد وزهات عز معايا باى

هاي سلمى.. الحقيقة أنا مش محمد عادل.. أنا من إدارة إيجي فيلم وهرد على آراء الجمهور الفترة دي علشان محمدعنده ظروف ومبقاش عضو معانا في إدارة الموقع.. إن شاء الله كلامك الجميل ده عن الفيلم هيوصل لعز لأنه بيهتم جدا برأي جمهوره.. ولازم تدخلي الفيلم نفسه بقة وتقوليلنا رأيك.. مستنيين رسالتك